قسم الفنون الجميلة بجميع أنواعها

تتكون الحردات فى الملابس من حرده الابط والرقبه وخطوط الاكتاف

ولا توجد قاعده ثابته لعمل هذه الحردات للاسباب الاتيه

اولا اختلاف الاطوال والارتفاعات لغرز الكروشيه الاساسيه المكونه لغرز الزخرفه التى تتم بها نماذج المساحات

ثانيا اختلاف المقاسات وبالتالى اختلاف الحرده بين كل مقاس واخر

ثالثا استخدام خيوط وابر ذات تخانات مختلفه

رابعا اختلاف درجه شد الخيط بين يد واخرى

لذلك اتبعى الخطوات الاتيه

1-لكى تحصلى على المقاس المظبوط لعمل بلوفر او بلوزه يجب ان ترسمى الباترون بالمقاس المطلوب

[ندعوك للتسجيل في المنتدى أو التعريف بنفسك لمعاينة هذه الصورة]

2-اشتغلى عينه بالغرزه التى سينفذ بها البلوفر او البلوزه بعرض 25 سم وطول 4 سم

3- تقاس العينه بالسنتيتمتر

[ندعوك للتسجيل في المنتدى أو التعريف بنفسك لمعاينة هذا الرابط]

4- قسمى عدد غرز العينه على ناتج مقاسها فتكون النتيجه هى عدد الغرز فى السنتيتمتر الواحد
فمثلا فى الغرزه البسيطه او العامود كل اربع غرز تمثل ا سم ويختلف عدد الغرز باختلاف نوع الغرزه

5-
اضربى عدد الغرز الموجوده فى السنتيتمتر الواحد ×عرض القطعه المراد
تنفيذها (عرض الباترون) وبذلك يكون الناتج هو عدد الغرز المطلوبه

اما بالنسبه لطول البلوزه فهو متروك لرغبتك حسب طول الباترون

الطريقه العامه لعمل الحردات الابط

حردة الابط
الدائرية

وهكذا يكون شكلها

[ندعوك للتسجيل في المنتدى أو التعريف بنفسك لمعاينة هذا الرابط]

وطريقتها كاتالى

اولا
( 1 ) اقفلى 5 غرز فى اول السطر ثم اشتغلى باقى السطر حتى النهاية
( 2 ) مثل السطر الاول
( 3 ) اقفلى 4 غرز فى اول السطر واكملى باقى الغرز حتى اخر السطر
( 4 ) مثل السطر الثالث
( 5 ) اقفلى 3 غرز فى اول السطر واكملى باقى الغرز حتى اخر السطر
(6 ) مثل السطر الخامس
( 7 ) اقفلى 2 غرزة فى اول السطر واكملى باقى الشغل حتى اخر السطر
( 8 ) مثل السطر السابع
( 9 ) اقفلى غرزة فى اول السطر واكملى باقى الشغل حتى اخر السطر
( 10 ) مثل السطر التاسع
هكذا تنتهى الحردة ثم نشتغل دون تنقيص حتى الطول المطلوب لحردة الابط مع مراعاة حردة الرقبة اذا كان الامام او الخلف ونوعها

ثانيا
الحردة للاطفال من سن 10 فما فوق(متوسطة)
أو كان الخيط سميكا(للكبار)
نفس حردة الكبار ولكن من السطر الثالث
يعنى نبدا بقفل 4 غرز ثم نكمل باقى الحردة عادى
ثالثا
بالنسبة للاطفال المواليد حتى سن العشر سنوات(صغير )
نبدا بقفل 3 غرز ونكمل باقى الحردة عادى
يبقى للكبار عدد الحردة ( 5 - 4 - 3 - 2 - 1 ) من الجهتين
للاطفال ( 4 - 3 - 2 - 1 ) من الجهتين
وللمواليد ( 3 - 2 - 1 ) من الجهتين

حردة للمقاسات الكبيره

حردة الروجلان

للكبار

وهى حردة بدون تنقيص غرز باول سطر

ابدائى بتنقيص 4او5 غرز فى بداية السطرين الاخيرين

(2)

ننقص غرزة في اول وآخر السطر اكملى باقى السطر عادى حتى

اخر 3 غرز اشتغليهم مع بعض كغرزه واحده

(3)

هذا السطر وجميع الاسطر الزوجية تعمل بدون تنقيص

(4)

كررى السطرين الثالث والرابع حتى تصلى لمكان حردة الرقبة ثم نبدا فى التنقيص لحردة الرقبة وحردة الابط

معا حتى تصبح معنا غرزة واحدة نقفلها

للصغار

نفس حردة الكبار لكن بدل 4 او5 ننقص 2 او 3 ونكمل عادي

الحرده المربعه

وهي اسهل انواع الحردات

نشتغل الطول المناسب حتي نصل للحرده الابط

للكبار

نقفل 10 غرز من الجهتين اي اول السطر واخره مره واحده

للصغار

نقفل 5 غرز فقط من الجهتين

ونكمل الشغل حتي الوصول لحرده الرقبه

بدون حردة ابط

وهذه اسهل الجميع,نرتفع حتى الاكتاف بدون حردة,تستخدم كثيرا للاطفال والمواليد.وكثر استخدامها للكبار بالتسعينات

[ندعوك للتسجيل في المنتدى أو التعريف بنفسك لمعاينة هذا الرابط]

الطريقه العامه لعمل الحردات الرقبه

تنقيص الغرز اللازمه تقديرا واسترشادا بالحردات الموجوده بالباترون السابق اعدداه مع مراعاه ما يلى

1-عندما
يستدعى الامر عمل حرده بعد اتمام السطر السابق باكمله -اعملى عددا من
الغرز المنزلقه بالقدر المطلوب للحرده فى فرع واحد فقط من فروع الغرز
الخاصه بالسطر السابق ثم اكملى السطر حسب النموذج

2-تصرفى
بالنسبه لكل نموذج للحصول على استداره مضبوطه لحرده الابط والرقبه وذلك
باضافه غرزه عامود او استبدال بريد منزلقه او غرزه حشو وغير ذللك

3- عندما يستدعى الامر عمل حرده قبل اتمام السطر - ارجعى مع ترك الغرز المطلوبه للحرده بدون شغل وتصرفى مثل ما سبق

حرده الرقبه المستديره

[ندعوك للتسجيل في المنتدى أو التعريف بنفسك لمعاينة هذا الرابط]

1- يمكنك تنقيذ حرده الرقبه باى عمق حسب الباترون وبيكون عدد الغرز المطلوب تنقيصها وقفلها هو ربع عدد الغرز بالنسبه لعرض الشغل

2- عدى غرز الشغل واقسميهم على 2 واربطى خيط بلون اخر عند خط المنتصف كعلامه
3-
اشتغلى من بدايه السطر حتى قبل المنتصف نقصى غرزتين ويستمر التنقيص
بغرزتين حوالى 3 سطور او حسب عمق الباترون ثم انقصى غرزه واحده على حافه
الرقبه حتى تنتهى الغرز المحدده وهى كما اتفقنا ربع الشغل ثم اكملى الشغل
بدون تنقيص حتى حرده الكتف

4- ويتم التنقيص من الحانب الاخر بنفس الطريقه علشان كده ربطنا خيط بلون اخر عند خط المنتصف علشان نشتغل كل جنب لوحده

حرده الرقبه المدببه او شكل 7

[ندعوك للتسجيل في المنتدى أو التعريف بنفسك لمعاينة هذا الرابط]

1- عند المكان المحدد لعمل الحرده اقسمى عدد الغرز الى قسمين متساويين

2- اربطى خيط بلون اخر لتحديد المنتصف

3- اشتغلى السطر بغرزتك عادى حتى تصلى الى المنتصف وانقصى غرزه او غرزتين حسب اتساع الفتحه (الحرده )

4- يتم التنقيص كل سطرين فمثلا انقصى فى السطر الثانى والرابع والسادس وهكذا حتى تصلى الى حرده الكتف

5- يتم التنقيص من الجانب الاخر بنفس الطريقه

لاحظى الباترون وشوفى العدد

[ندعوك للتسجيل في المنتدى أو التعريف بنفسك لمعاينة هذا الرابط]

حرده الرقبه المربعه

[ندعوك للتسجيل في المنتدى أو التعريف بنفسك لمعاينة هذا الرابط]]

وهذه الحرده ايضا يمكنك تنفيذها باى عمق حسب الباترون
1- قسمى غرز الشغل فى هذه المره على 3 اقسام ثم اقفلى ثلث الغرز التى بين الكتفين مره واحده اى اتركيهم بدون شغل
2- ابدئى الشغل من بدايه السطر من جانب واحد حتى تصلى الى حرده الكتف بدون تنقيص
3- ويتم عمل نفس الشى فى الجانب الاخر بنفس العدد والطريقه

وتوجد طريقه اخرى لعمل الحرده

ولهذه الطريقه فائده كبيره فى تحديد مواضع الحرده ويتم ذلك برسم نموذج
صورى لخطوط الحرده كما تحبيها قبل عملها وقبل الوصول الى مكانها -على تفس
نسيج الكروشيه الذى تقومين بعمله لتهتدى بهذا الرسم عند عمل الحرده كما
يلى

1- بعد ان ترتفعى بالنسيج حوالى 25 او 30سم اثنى النسيج وشبكى اطرافه بالدبابيس من الجهات الاربع
2- ضعى الباترون السابق عمله على هذا الجزء بحيث تكون حرده الابط فوق خط الجنب من الناحيه المفتوحه ثم اشبكى البترون بالدبابيس

3-ارسمى خطوط بالسراجه حول حرده الابط والكتف ثم اطبعيها بالسراجه على الطبقه الثانيه من النسيج وارفعى الباترون

4- سيتضح
امامك وبشكل دقيق عدد التى سوف تستغنى عنها وتنقصيها بالنسبه لكل سطر عند
الوصول الى مكان كل حرده من الحردات من بدايتها الى نهايتها فى كلا
الجانبين

5- انزعى خيط السراجه بعد الانتهاء من العمل

الموضوع الأصلي : الحردات في الكروشيه(مستديره /شكل سبع /مربعه) // المصدر : منتديات لمسات كروشيه // الكاتب: Lamasat Crochet

» التناقص فى الكروشيه
» الدائره فى الكروشيه
» مقاسات الكروشيه للاطفال
» وصل او خياطة قطعتين من الكروشيه
» طريقــة لإشتغــــــال الكروشيه على القمـــاش

قسم الفنون الجميلة بجميع أنواعها

قسم فن الكروشيه

قسم تعليم الكروشيه

الحردات في الكروشيه(مستديره /شكل سبع /مربعه)

الحردات في الكروشيه(مستديره /شكل سبع /مربعه)

مواضيع مماثلة

مواضيع مماثلة